bhagavaan raam kee nagaree ayodhya mein 22 janavaree ko shree ram mandir mein raamalala kee praan pratishtha kee gaee. ayodhya mein banane vaala raam mandir bhaarat samet duniya bhar mein phaile hinduon ke lie aastha ka bada kendr banakar ubharega. aaj jo bhavy ram mandir aakaar le raha hai usake peechhe dashakon lambee kaanoonee ladaee hai. ayodhya mein ram mandir nirmaan ka saphar chunautiyon se bhara raha hai. baabaree vivaad, aadaalaton mein chalee lambee ladaee aur phir sheersh adaalat ke phaisale ke baad mandir ka nirmaan shuroo hona. ab deshavaasiyon ka 22 janavaree ka intajaar lagabhag khatm ho gaya hai.
1528: ayodhya mein ram janmabhamoomi par masjid banane se shuru hua vivaad
aaiye ab aapako itihaas mein lekar chalate hain. kissa 1526 se shuroo hota hai. ye vo saal tha jab mugal shaasak baabar bhaarat aaya. do saal baad baabar ke soobedaar meerabaakee ne ayodhya mein ek masjid banavaee. yah masjid usee jagah banee jahaan bhagavaan raam ka janm hua tha. baabar ke sammaan mein meer baakee ne is masjid ka naam baabaree masjid diya.
ye vo daur tha jab mugal shaasan poore desh mein phail raha tha. mugalon aur navaabon ke shaasan ke dauraan 1528 se 1853 tak is maamale mein hindoo bahut mukhar nahin ho pae.19veen sadee mein mugalon aur navaabon ka shaasan kamajor padane laga. angrej hukoomat prabhaavee ho chukee thee. is daur mein hee hinduon ne yah maamala uthaaya aur kaha ki bhagavaan raam ke janmasthaan mandir ko todakar masjid bana lee gaee.
isake baad se raamalala ke janmasthal ko vaapas paane kee ladaee shuroo huee.
1858: baabaree masjid banane ke 330 saal baad huee pahalee FRI
meerabaakee ke masjid banaane ke 330 saal baad 1858 mein ladaee kaanoonee ho gaee, jab pahalee baar parisar mein havan, poojan karane par ek ephaeeaar huee. ayodhya rivijited kitaab ke mutaabik ek disambar 1858 ko avadh ke thaanedaar sheetal dube ne apanee riport mein bataaya ki parisar mein chabootara bana hai.
ye pahala kaanoonee dastaavej hai jisamen parisar ke andar raam ke prateek hone ke pramaan hain. isake baad taaron kee ek baad khadee kar vivaadit bhoomi ke aantarik aur baaharee parisar mein muslimon aur hinduon ko alag-alag pooja aur namaaj kee ijaajat dee gaee.
1885: jab adaalat pahunchee ram mandir ke lie pakke ghar kee baat
1858 mein huee ghatana ke 27 saal baad 1885 mein raam janmabhoomi ke lie ladaee adaalat pahunchee. jab, nirmohee akhaade ke manhat raghubar daas ne phaijaabaad ke nyaayaalay mein svaamitv ko lekar deevaanee mukadama daayar kiya.
daas ne baabaree dhaanche ke baaharee aangan mein sthit raam chabootare par bane asthaayee mandir ko pakka banaane aur chhat daalane kee maang kee. jaj ne phaisala sunaaya ki vahaan hinduon ko pooja-archana ka adhikaar hai, lekin ve jilaadhikaaree ke phaisale ke khilaaph mandir ko pakka banaane aur chhat daalane kee anumati nahin de sakate.
949: moortiyon ka prakateekaran
ek or jahaan deshabhar mein angrejon ke khilaaph aandolan chalaakar aajaadee lene kee muhim jaaree rahee, vaheen doosaree or raam janmabhoomi kee ladaee bhee jaaree rahee. desh ke aajaad hone ke do saal baad 22 disambar 1949 ko dhaanche ke bheetar gumbad ke neeche moortiyon ka prakateekaran hua.
1950: aajaadee ke baad pahala mukadama
aajaadee ke baad pahala mukadama hindoo mahaasabha ke sadasy gopaal sinh vishaarad ne 16 janavaree, 1950 ko sivil jaj, phaijaabaad kee adaalat mein daayar kiya.
vishaarad ne dhaanche ke mukhy gumbad ke neeche sthit bhagavaan kee pratimaon kee pooja-archana kee maang kee. kareeb 11 maheene baad 5 disambar 1950 ko aisee hee maang karate hue mahant raamachandr paramahans ne sivil jaj ke yahaan mukadama daakhil kiya.
mukadame mein doosare paksh ko sambandhit sthal par pooja-archana mein baadha daalane se rokane kee maang rakhee gaee.3 maarch 1951 ko gopaal sinh vishaarad maamale mein nyaayaalay ne muslim paksh ko pooja-archana mein baadha na daalane kee hidaayat dee. aisa hee aadesh paramahans kee taraph se daayar mukadame mein bhee diya gaya.
1959: nirmohee akhaade ne maangee ram mandir pooja-archana kee anumati
17 disambar 1959 ko ra maanand sampradaay kee taraph se nirmohee akhaade ke chhah vyaktiyon ne mukadama daayar kar is sthaan par apana daava thoka.
saath hee maang rakhee ki riseevar priyadatt raam ko hataakar unhen pooja-archana kee anumati dee jae. yah unaka adhikaar hai. mukadamon kee kadee mein ek aur mukadama 18 disambar 1961 ko darj kiya gaya. ye mukadama uttar pradesh ke kendreey sunnee vakph bord ne daayar kiya. kaha ki yah jagah musalamaanon kee hai.
dhaanche ko hinduon se lekar musalamaanon ko de diya jae. dhaanche ke andar se moortiyaan hata dee jaen ye maamale nyaayaalay mein chalate rahe. phaisalon kee baat karen usase pahale raam kaaj ke lie hue kuchh aur aandolanon kee taraph chalate hain.
1982: hindoo dharmasthalon kee mukti ka abhiyaan
baat 1982 kee hai. ye vo saal tha jab vishv hindoo parishad ne ram, krshn aur shiv ke sthalon par masjidon ke nirmaan ko saajish karaar diya aur inakee mukti ke lie abhiyaan chalaane ka elaan kiya. do saal baad 8 aprail 1984 ko dillee mein sant-mahaatmaon, hindoo netaon ne ayodhya ke shreeraam janmabhoomi sthal kee mukti aur taala khulavaane ko aandolan ka phaisala kiya.
1986: ram mandir parisar ka taala khula
mukadamon kee baat huee hai to phir se kaanoonee ladaee kee or chalate hain aur baat phaisalon kee karate hain. ek phaisala 1 pharavaree 1986 ko aaya jab phaijaabaad ke jila nyaayaadheesh keem paandey ne sthaaneey adhivakta umesh paandey kee arjee par is sthal ka taala kholane ka aadesh de diya. phaisale ke khilaaph ilaahaabaad uchch nyaayaalay kee lakhanoo khandapeeth mein daayar apeel khaarij ho gaee.
1989: ram janmabhoomi par mandir ka shilaanyaas
janavaree 1989 mein prayaag mein kumbh mele ke dauraan ram mandir nirmaan ke lie gaanv-gaanv shila poojan karaane ka phaisala hua. saath hee 9 navambar 1989 ko shreeraam janmabhoomi sthal par mandir ke shilaanyaas kee ghoshana kee gaee. kaaphee vivaad aur kheenchataan ke baad tatkaaleen pradhaanamantree raajeev gaandhee ne shilaanyaas kee ijaajat de dee. bihaar nivaasee kaameshvar chaupaal se shilaanyaas karaaya gaya.
1990: aadavaanee ne shuru kee rath yaatra, aandolan ko dee dhaar
1990 ke dashak mein aandolan tej ho raha tha. is beech sitambar 1990 ko laal krshn aadavaanee rath yaatra lekar nikale. is yaatra ne ram janmabhoomi aandolan ko aur dhaar de dee. desh kee raajaneeti tejee se badal rahee thee.
aadavaanee giraphtaar hue. giraphtaaree ke saath kendr mein satta parivartan bhee hue. bhaajapa ke samarthan se banee janata dal kee sarakaar gir gaee. kaangres ke samarthan se chandrashekhar pradhaanamantree bane. ye sarakaar bhee jyaada nahin chalee. nae sire se chunaav hue aur ek baar phir kendr mein kaangres satta mein aaee. in sab ke beech aaee vo aitihaasik taareekh jisaka jikr kie bina ye kissa poora nahin ho sakata hai.
1992: vivaadit dhaancha gira, kalyaan sarakaar barkhaast
taareekh thee 6 disambar 1992, is din ayodhya pahunche hajaaron kaarasevakon ne vivaadit dhaancha gira diya.
isakee jagah isee din shaam ko asthaayee mandir banaakar pooja-archana shuroo kar dee. kendr kee tatkaaleen peevee narasimha raav sarakaar ne raajy kee kalyaan sinh sarakaar sahit any raajyon kee bhaajapa sarakaaron ko bhee barkhaast kar diya. uttar pradesh sahit desh mein kaee jagah saampradaayik hinsa huee, jisamen anek logon kee maut ho gaee.
ayodhya shreeraam janmabhoomi thaana mein dhaancha dhvans maamale mein bhaajapa ke kaee netaon samet hajaaron logon par mukadama darj kar diya gaya. isake saath hee raam kaaj kee kaanoonee ladaee mein mukadamon kee sankhya mein aur ijaapha hone laga.
1993: darshan-poojan kee anumati mil gaee
baabaree dhahae jaane ke do din baad 8 disambar 1992 ko ayodhya mein karphyoo laga tha. vakeel harishankar jain ne uchch nyaayaalay kee lakhanoo khandapeeth mein guhaar lagaee ki bhagavaan bhookhe hain. raam bhog kee anumati dee jae.
kareeb 25 din baad 1 janavaree 1993 ko nyaayaadheesh harinaath tilaharee ne darshan-poojan kee anumati de dee. 7 janavaree 1993 ko kendr sarakaar ne dhaanche vaale sthaan aur kalyaan sinh sarakaar dvaara nyaas ko dee gaee bhoomi sahit yahaan par kul 67 ekad bhoomi ka adhigrahan kar liya.
2002: haeekort mein shuroo huee maalikaana hak par sunavaee
aprail 2002 mein uchch nyaayaalay kee lakhanoo khandapeeth ne vivaadit sthal ka maalikaana hak tay karane ke lie sunavaee shuroo huee. uchch nyaayaalay ne 5 maarch 2003 ko bhaarateey puraatatv sarvekshan ko sambandhit sthal par khudaee ka nirdesh diya.
22 agast 2003 ko bhaarateey puraatatv sarvekshan ne nyaayaalay ko riport saumpee. isamen sambandhit sthal par jameen ke neeche ek vishaal hindoo dhaarmik dhaancha (mandir) hone kee baat kahee gaee.
2010: ilaahaabaad uchch nyaayaalay ne diya aitihaasik phaisala
30 sitambar 2010 ko ilaahaabaad uchch nyaayaalay ne is sthal ko teenon pakshon shreeraam lala viraajamaan, nirmohee akhaada aur sunnee sentral vakph bord mein baraabar-baraabar baantane ka aadesh diya.
nyaayaadheeshon ne beech vaale gumbad ke neeche jahaan moortiyaan theen, use janmasthaan maana. isake baad maamala sarvochch nyaayaalay pahuncha. 21 maarch 2017 ko sarvochch nyaayaalay ne madhyasthata se maamale sulajhaane kee peshakash kee. yah bhee kaha ki donon paksh raajee hon to vah bhee isake lie taiyaar hai.
2017: sarvochch nyaayaalay dvaara madhyasthata kee peshakash
ayodhya mein raam janmabhoomi kee ladaee ab desh kee sarvochch adaalat tak pahunch chukee thee. 21 maarch 2017 ko sarvochch nyaayaalay ne madhyasthata se maamale sulajhaane kee peshakash kee. yah bhee kaha ki donon paksh raajee hon to vah bhee isake lie taiyaar hai.
2019: supreem phaisala aur mandir nirmaan ka raasta saaph
6 agast 2019 ko sarvochch nyaayaalay ne pratidin sunavaee shuroo kee. 16 aktoobar 2019 ko sarvochch nyaayaalay mein sunavaee pooree hua aur kort ne phaisala surakshit rakh liya. isase pahale 40 din tak lagaataar supreem kort mein sunavaee huee.
9 navambar 2019 ko 134 saal se chalee aa rahee ladaee mein ab vakt tha antim phaisale ka. 9 navambar 2019 ko sarvochch nyaayaalay ne sambandhit sthal ko shreeraam janmabhoomi maana aur 2.77 ekad bhoomi raamalala ke svaamitv kee maanee. vaheen, nirmohee akhaada aur sunnee vakph bord ke daavon ko khaarij kar diya gaya. isake saath hee kort ne nirdesh diya ki mandir nirmaan ke lie kendr sarakaar teen maheene mein trast banae aur trast nirmohee akhaade ke ek pratinidhi ko shaamil kare.
isake alaava yah bhee aadesh diya ki uttar pradesh kee sarakaar muslim paksh ko vaikalpik roop se masjid banaane ke lie 5 ekad bhoomi kisee upayukt sthaan par upalabdh karae.
isee ke saath dashakon se chalee aa rahee lambee kaanoonee ladaee samaapt ho gaee. ab baaree thee nirmaan kee 5 pharavaree 2020 ko pradhaanamantree narendr modee ne ayodhya mein mandir nirmaan ke lie raam janmabhoomi teerth kshetr trast kee ghoshana kee. theek chhah maheene baad 5 agast 2020 ko ayodhya mein raam mandir kee aadhaarashila rakhee gaee, jisamen peeem modee shaamil hue.
2024: bhavy mandir mein ramalala kee praan pratishtha
134 saal chalee kaanoonee ladaee ke baad ab ayodhya mein bhavy ram mandir ka nirmaan ho raha hai. raam janmabhoomi par mandir ke pahale charan ka kaam poora ho gaya hai. 22 janavaree 2024 kee vah aitihaasik taareekh hai, jab mandir mein bhagavaan ram kee praan pratishtha huee. 23 janavaree se ram mandir aam logon ke lie khul gaye.